కాశీ కుసుమ కదంబం - శివాష్టకమ్, అభిలాషాష్టకమ్ మరియు చతుష్షష్ట్యష్టకమ్

	20. శ్రీ శివాష్టకమ్
శ్లో॥	ప్రభు ప్రాణనాథం విభుం విశ్వనాథం జగన్నాథనాథం సదానందభాజమ్। భవద్భవ్యభూతేశ్వరం భూతనాథం శివం శంకరం శంభు మీశాన మీడే॥	(1)
శ్లో॥	గళే రుండమాలం తనౌ సర్పజాలం మహాకాలకాలం గణేశాదిపాలమ్। జటాజూటగంగోత్తరంగై ర్వశాలం శివం శంకరం శంభు మీశాన మీడే॥	(2)
శ్లో॥	ముదా మాకరం మండనం మండయంతం మహామండలం భస్మభూషాధరం తమ్। అనాదిం హ్యపారం మహామోహమారం శివం శంకరం శంభు మీశాన మీడే॥	(3)
శ్లో॥	వటాధోనివాసం మహాట్టాట్టహాసం మహాపాపనాశం సదా సుప్రకాశమ్। గిరీశం గణేశం సురేశం మహేశం శివం శంకరం శంభు మీశాన మీడే॥	(4)
శ్లో॥	గిరాంద్రాత్మజాసం గృహీతార్ధదేవం గిరౌ సంస్థితం సర్పహారం సురేశమ్। పరబ్రహ్మ బ్రహ్మాదిభి ర్వంద్యమానం శివం శంకరం శంభు మీశాన మీడే॥	(5)
శ్లో॥	కపాలం త్రిశూలం కరాభ్యాం దధానం పదాంభోజనమ్రాయ కామం దదానమ్। బలీవర్దయానం సురాణాం ప్రధానం శివం శంకరం శంభు మీశాన మీడే॥	(6)
శ్లో॥	హారం సర్పహారం చితాభూవిహారం భవం వేదసారం సదా నిర్వికారమ్। శ్మశానే వసంతం మనోజం దహాంతం శివం శంకరం శంభు మీశాన మీడే॥	(7)
శ్లో॥	స్వయం యః ప్రభాతే నర శ్శూలపాణేః పఠేత్ స్తోత్రరత్నం త్విహ ప్రాప్య రత్నం సుపుత్రం సుధాన్యం సుమిత్రం కళత్రం విచిత్రై స్సమారాధ్య మోక్షం ప్రయాతి॥	(9)
	ఇతి శ్రీకృష్ణ జన్మఖండే శ్రీ శివాష్టక స్తోత్రం సంపూర్ణమ్
	శ్రీ స్కందపూరాణాంతర్గత కాశీఖండోక్త
	21. అభిలాషాష్టకమ్
	(విశ్వానరుడు బాలరూప వీరేశ్వరుని గూర్చి చేసిన స్తోత్రము)
శ్లో॥	ఏకం బ్రహ్మై వాద్వితీయం సమస్తం సత్యం సత్యం నేహ నానాస్తి కించిత్। ఏకో రుద్రో న ద్వితీయోఽవతస్థే తస్మా దేకం త్వాం ప్రపద్యే మహేశమ్॥	(1)
శ్లో॥	ఏకః కర్తా త్వం హి సర్వస్య శంభో నానారూపే ష్వేకరూపో స్యరూపః। యద్వ త్ప్రత్య శ్స్వర్క ఏకో ప్యనేకః తస్మా న్నాన్యం త్వాం వినేశం ప్రపద్యే॥	(2)
శ్లో॥	రజ్జౌ సర్పః శుక్తికాయాం చ రూప్యం నైరః పూర స్తన్మృగాఖ్యే మరీచౌ। యద్వ త్తద్వ ద్విష్య గేష ప్రపంచో యస్మిన్ జ్ఞాతే తం ప్రపద్యే మహేశమ్॥	(3)
శ్లో॥	తోయే శైత్యం దాహకత్వం చ వహ్నౌ తాపో భానౌ శీతభానౌ ప్రసాదః। పుష్పే గంధో దుగ్ధమధ్యేఽపి సర్పిః య త్త చ్ఛంభో త్వం తత స్త్వాం ప్రపద్యే॥	(4)
శ్లో॥	శబ్దం గృహ్ణా స్యశ్రవా స్త్వం హి జిఘ్రే రఘ్రాణ స్త్వం వ్యంఘ్రి రాయాసి దూరాత్। వ్యక్షః పశ్యే స్త్వం రసజ్ఞోఽప్యజిహ్వః క స్త్వాం సమ్యక్ వే త్త్యత స్త్వాం ప్రపద్యే॥	(5)
శ్లో॥	నో వేద స్త్వా మీశ సాక్షాద్ధి వేద నో వా విష్ణు ర్నో విధా తాఖిలస్య। నో యోగీంద్రా నేంద్రముఖ్యా శ్చ దేవా భక్తో వేద త్వా మత స్త్వాం ప్రపద్యే॥	(6)
శ్లో॥	నో తే గోత్రం నేశ జన్మాఽపి నాఖ్యా నో వా రూపం నైవ శీలం న దేశః। ఇత్థం భూతోఽపీశ్వర స్త్వం త్రిలోక్యాః సర్వాన్ కామాన్ పూరయే స్త ద్భజే త్వామ్॥	(7)
శ్లో॥	త్వత్తః సర్వం త్వం హి సర్వం స్మరారే త్వం గౌరీశ స్త్వం చ నగ్నోఽతిశాంతః। త్వం వై వృద్ధ స్త్వం యువా త్వం చ బాలః త త్త్వం యత్కిం నా స్యత స్త్వాం నతోఽస్మి॥	(8)
శ్లో॥	స్తు త్వేతి భూమౌ నిపపాత విప్రః స దండవ ద్యావ దతీవ హృష్టః। తావ త్సబాలో ఖిల వృద్ధవృద్ధః ప్రోవాచ భూదేవ వరం వృణీహి॥	(9)
	బాల ఉవాచ
శ్లో॥	అభిలాషాష్టకం పుణ్యం స్తోత్ర మేత త్త్వ యేరితమ్। అబ్దం త్రికాలపఠనాత్ కామదం శివసన్నిధౌ॥ ఏతత్ స్తోత్రస్య పఠనం పుత్ర పౌత్ర ధనప్రదమ్। సర్వశాంతికరం చాపి సర్వాపత్పరనాశనమ్॥ స్వర్గాపవర్గసంపత్తికారకం నాత్ర సంశయః। ప్రాత రత్థాయ సుస్నాతో లింగ మభ్యర్చ్య శాంభవమ్॥ వర్షం జప న్నిదం స్తోత్ర మపుత్రః పుత్రవా న్భవేత్। వైశాఖే కార్తీకే మాఘే విశేషనియమై ర్యుతః
	యః పఠేత్ స్నానసమయే స లభేత్ సకలం ఫలమ్। కార్తికస్య తు మాసస్య ప్రసాదా దహమవ్యయః
	తవ పుత్రత్వ మేష్యామి య స్త్వన్య స్త త్పఠిష్యతి అభిలాషాష్టక మిదం న దేయం యస్య కస్య చిత్
	గోపనీయం ప్రయత్నేన మహావంధ్యా ప్రసూతికృత్ స్త్రియా వా పురుషేణాపి నియమా ల్లింగసన్నిధౌ
	అబ్దం జప్త మిదం స్తోత్రం పుత్రదం నాత్ర సంశయః ఇత్యు క్త్వాంతర్ధధే బాలః సోఽపి విప్రో గృహం గతః॥
	దేవదేవం ప్రతి రవికృతం
	22. చతుష్షష్ట్యష్టకమ్
	(శ్రీ కాశీ ఖండోక్తమ్)
	రవిరువాచ -
శ్లో॥	దేవదేవ జగతాం పతే విభో భర్గ భీమ భవ చంద్రభూషణ। భూతనాథ భవభీతిహారక త్వాం నతో స్మి నతవాంఛితప్రద॥	(1)
శ్లో॥	చంద్రచూడ మృడ ధూర్జటే హర త్ర్యక్ష దక్ష శతతంతుశాతన। శాంత శాశ్వత శివపతే శివ త్వాం నతోఽస్మి నతవాంఛితప్రద॥	(2)
శ్లో॥	నీలలోహిత సమీహితార్ధద ద్వ్యేకలోచన విరూపలోచిన। వ్యోమకేశ పశుపాశనాశన త్వాం నతోఽస్మి నతవాంఛితప్రద॥	(3)
శ్లో॥	వామదేవ శితికంఠ శూలభృ చ్ఛంద్రశేఖర ఫణీంద్రభూషణ। కామకృత్ పశుపతే మహేశ్వర త్వాం నతోఽస్మి నతవాంఛితప్రద॥	(4)
శ్లో॥	త్ర్యంబక త్రిపురసూద నేశ్వర త్రాణకృత్ త్రినయన త్రయీమయ। కాలకూటదల నాతకాంతక త్వాం నతోఽస్మి నతవాంఛితప్రద॥	(5)
శ్లో॥	శర్వరీరహిత శర్వ సర్వగ స్వర్గమార్గ సుఖదాఽపవర్గద। అంధకాసురరిపో కపర్దభృ త్త్వాం నతోఽస్మి నతవాంఛితప్రద॥	(6)
శ్లో॥	శంక రోగ్ర గిరిజాపతే పతే విశ్వనాథ విథివిష్ణు సంస్తుత। వేదవేద్య విదితాఽఖిలేంగిత త్వాం నతోఽస్మి నతవాంఛితప్రద॥	(7)
శ్లో॥	విశ్వరూప పర రూపవర్జిత బ్రహ్మ జిహ్మరహి తామృతప్రద। వాఙ్మనోఽవిషయ దూర దూరగ త్వాం నతోఽస్మి నతవాంఛితప్రద॥	(8)
శ్లో॥	ఇత్థం పరీత్య మార్తండో మృడం దైవం మృడానికామ్। అథ తుష్టావ ప్రీతాత్మా శివవామార్ధహారిణీమ్॥