కాశీ కుసుమ కదంబం - మూడవ భాగము

Given below are some sotras about Kasi - Varanasi

Ganga Stotram from Skanda Puranam and Manikarnika Ashtakam

	6. శ్రీ స్కందపురాణాంతర్గత గంగా స్తోత్రమ్
శ్లో॥	ఓం నమశ్శివాయై గంగాయై శ్వదాయై నమో నమః నమస్తే రుద్ర రూపిణ్యై శాంకర్యై తే నమో నమః	(1)
శ్లో॥	నమస్తే విశ్వరూపిణ్యై బ్రహ్మమూర్త్యై నమో నమః సర్వదేవ స్వరూపిణ్యై నమో భేషజమూర్తయే॥	(2)
శ్లో॥	సర్వస్య సర్వవ్యాధీనాం భిషక్ శ్రేష్ఠ్యై నమో నమః స్థాణుజంగమ సంభూత విషహంత్ర్యై నమో నమః॥	(3)
శ్లో॥	భోగోపభోగదాయిన్యై భోగవత్యై నమో నమః మందాకిన్యై నమస్తేఽస్తు స్వర్గదాయై నమో నమః	(4)
శ్లో॥	నమస్త్రైలోక్యభూషాయై జగద్ధాత్ర్యై నమో నమః నమస్త్రిశుక్లసంస్థాయై తేజోవత్యై నమో నమః	(5)
శ్లో॥	నందాయై లింగధారిణ్యై నారాయణ్యై నమో నమః నమస్తే విశ్వముఖ్యాయై రేవత్యై నమో నమః॥	(6)
శ్లో॥	బృహత్యై తే నమస్తేఽస్తు లోకధాత్ర్యై నమో నమః నమస్తే విశ్వమిత్రాయై నందిన్యై తే నమో నమః ॥	(7)
శ్లో॥	పృథ్వ్యై శివామృతాయై చ సువృషాయై నమో నమః శాంతాయై చ వరిష్ఠాయై వరదాయై నమో నమః॥	(8)
శ్లో॥	ఉగ్రాయై సుఖదోగ్ధ్ర్యైచ సంజీవిన్యై నమో నమః బ్రహ్మిష్ఠాయై బ్రహ్మదాయై దురితఘ్న్యై నమో నమః	(9)
శ్లో॥	ప్రణతార్తి ప్రభంజిన్యై జగన్మాత్రే నమోస్తుతే। సర్వాపత్ప్రతిపక్షాయై మంగలాయై నమోనమః	(10)
శ్లో॥	శరణాగత దీనార్త పరిత్రాణ పరాయణే। సర్వస్యార్తిహరే దేవి ! నారాయణి! నమోస్తుతే ॥	(11)
శ్లో॥	నిర్ద్వేషాయై దుర్గహంత్ర్యై దక్షాయై తే నమో నమః పరాత్పరతరే తుభ్యం నమస్తే మోక్షదే సదా ॥	(12)
శ్లో॥	గంగే ! మ మాగ్రతో భూయా ద్గంగే మే దేవి పృష్ఠతః। గంగే ! మే పార్శ్వయో రేహి త్వయి గంగేఽస్తు మే స్థితిః ॥	(13)
శ్లో॥	ఆదౌ త్వ మంతే మధ్యే చ సర్వం త్వం గాంగ తే శుభే త్వ మేవ మలప్రకృతి స్త్వం హి నారాయణః పరః గంగే త్వం పరమాత్మా చ శివ స్తుభ్యం నమ శ్శివే ॥	(14)
మం.	నమో భగవత్యై దశపాపహరాయై గంగాయై నారాయణ్యై రేవత్యై శివాయై దక్షాయై అమృతాయై విశ్వరూపిణ్యై నందిన్యై తే నమో నమః
శ్లో॥	సంసార విష నాశిన్యై జీవనాయై నమోస్తుతే తాపత్రితయ సంహర్త్రై ప్రాణేశ్యై తే నమో నమః
శ్లో॥	శాన్తి సంతాన కారిణ్యై నమస్తే శుద్ధ మూర్తయే సర్వస్వం సిద్ధి కారిణ్యై నమః పాపారి మూర్తయే॥
శ్లో॥	పాశజాల నికృంతిన్యై అభిన్నాయై నమోస్తుతే శాన్తాయై చ వరిష్ఠాయై వరదాయై నమో నమః॥
శ్లో॥	యఇదం పఠతిస్తోత్రం భక్త్యా నిత్యం నరోపియః దశధా సంస్థితైర్దోషైః సర్వైరేవ ప్రముచ్యతే ॥
శ్లో॥	సర్వాన్కామానవాప్నోతి ప్రేత్యబ్రహ్మణిలీయతే జ్యేష్ఠే మాసి సితే పక్షే దశమీహస్త సంయుతా॥
శ్లో॥	తస్యాం దశమ్యామేతచ్చ స్తోత్రం గంగాజలేస్థితః యః పఠేద్దశకృత్వస్తు దరిద్రోవాపిచాక్షమః॥
శ్లో॥	సోపి తత్ఫలమాప్నోతి గంగాం సంపూజ్య యత్నతః దశపాప హరాస్తోత్రమిదం పరమపావనమ్॥
	7. స్నానకాలే గంగాధ్యానమ్
శ్లో॥	గంగా గంగేతి యో బ్రూయా ద్యోజనానాం శతై రపి। ముచ్యతే సర్వపాపేభ్యో విష్ణులోకం సగచ్ఛతి ॥	(1)
శ్లో॥	అంబ ద్వద్దర్శనా న్ముక్తిః న జానే స్నానజం ఫలమ్। స్వర్గారోహణసోపానే మహాపుణ్య తరంగిణి ॥	(2)
శ్లో॥	విశ్వేశం మాధవం ఢుంఢిం దండపాణించ భైరవమ్ వందే కాశీం గుహాం గంగాం భవానీం మణికర్ణికామ్ ॥	(3)
శ్లో॥	అతితీక్ష్ణ మహాకాయ కల్పాంతదహనోపమ। భైరవాయ నమ స్తుభ్యం అనుజ్ఞాం దాతు మర్హసి ॥	(4)
శ్లో॥	త్వం రాజా సర్వతీర్థానాం త్వమేవ జగతః పతా। యాచితో దేహి మే తీర్థం సర్వపాపాపనుత్తమే ॥	(5)
శ్లో॥	యోऽసౌ సర్వగతో విష్ణుః చిత్స్వరూపీ జనార్దనః స ఏవ ద్వరూపేణ గంగాంభో నాత్ర సంశయః॥	(6)
శ్లో॥	నందినీ నలినీ సీతా మాలినీ చ మహాపగా। విష్ణు పాదాబ్జ సంభూతా గంగా త్రిపథగామినీ ॥	(7)
శ్లో॥	భాగీరథీ భోగవతి జాహ్నవీ త్రిదశేశ్వరీ। ద్వాదశైతాని నామాని యత్రయత్ర జలాశయే। స్నానకాలే పఠే న్నిత్యం మహాపాతకనాశనమ్ ॥	(8)
	8. శ్రీ మణికర్ణికాష్టకమ్
శ్లో॥	త్వత్తరే మణికర్ణికే హరిహరౌ సాయుజ్య ముక్తి ప్రదౌ వాదం తౌ కురుతః పరస్పర ముభౌ జంతోః ప్రయానోత్సవే। మద్రూపో మనుజోऽయ మస్తు హరిణా ప్రోక్త శ్శివ స్తత్ క్షణాత్। తన్మధ్యా ద్భృగూలాంఛనో గరుడగః పీతాంబరో నిర్గతః ॥	(1)
శ్లో॥	ఇంద్రాద్యా స్త్రిదశాః పతంతి నియతం భోగక్షయే తే పునః జాయంతే మనుజా స్తతోఽ పి వశవః కీటాః పతంగాదయః। యే మాత ర్మణికర్ణికే ! తవ జలే మజ్జంతి నిష్కల్మషాః సాయుజ్యేऽపి కిరీటకౌస్తుభధరా నారాయణా స్స్యు ర్నరాః॥	(2)
శ్లో॥	కాశీ ధనయతమా విముక్త నగరీ సాలంకృతా గంగయా తత్రేంయం మణికర్ణికా సుఖకరీ ముక్తి ర్హి తత్కింకరీ। స్వర్లోక స్తులితః సహైవ విభుధైః కాశ్యా సమం బ్రహ్మణా కాశీ క్షోణితలే స్థితా గురుతరా స్వర్గో లఘుః ఖే గతః॥	(3)
శ్లో॥	గంగాతీర మనుత్తమం హి సకలం తత్రాపి కా శ్యుత్తమా తస్యాం సా మణికర్ణి కోత్తమతమా త త్రేశ్వరో ముక్తిదః। దేవానా మపి దుర్లభం స్థల మిదం పాపౌఘనాశక్షమం పూర్వోపార్జిత పుణ్య పుంజగమకం పుణ్యైర్జనైః ప్రాప్యతే ॥	(4)
శ్లో॥	దుఃఖాంభోధిగతో హి జంతునివహ స్తేషాం కథం నిష్కృతిః జ్ఞా త్వైతద్ధి విరించినా విరచితా వారాణసీ శర్మదా। లోకా స్స్వర్గముఖా స్తతోఽపి లఘవో భోగాంతపాతప్రదాః కాశీ ముక్తిపురీ సదా శివకరీ ధర్మార్థ కామోత్తరా ॥	(5)
శ్లో॥	ఏకో వేణుధరో ధరాధరధరః శ్రీవత్సభూషాధరో యో ప్రేకః కిల శంకరో విషధరో గంగాధరో మాధవః యే మాత ర్మణికర్ణికే తవ జలే మజ్జంతి తే మానవా రుద్రా హా హరయో భవంతి బహవ స్తేషాం బహుత్వం కథమ్ ॥	(6)
శ్లో॥	త్వత్తీరే మరణం తు మంగలకరం దేవై రపి శ్లాఘ్యతే శక్ర స్తం మనుజం సహక్రనయనై ర్ద్రష్టుం సదా తత్పరః। ఆయంతం సవితా సహక్రకిరణైః ప్రత్యుద్గతోఽభూత్సదా పుణ్యోఽసౌ వృషగోఽథవాగరుడః కిం మందిరం యాస్యతి ॥	(7)
శ్లో॥	మధ్యాహ్నే మణికర్ణికాస్నపనజం పుణ్యం న వక్తుం క్షమః స్వీయై రబ్దశతైః చతుర్ముఖసురో వేదార్థదీక్షా గురుః యోగాభ్యాసబలేన చంద్రశేఖర రవస్తత్పుణ్యపారం గతః త్వత్తీరే ప్రకరోతి సప్తపురుషం నారాయణం వా శివమ్ ॥	(8)
శ్లో॥	కృచ్ఛ్రైః కోటిశతై స్స్వపాపనిధనం య చ్చాశ్వమేధైః ఫలం తత్సర్వం మణికర్ణికాస్నపనజే పుణ్యే ప్రవిష్టం భవేత్। స్నాత్వా స్తోత్రమిదం నరః పఠతి చే త్సంసారపాథోనిధిం తీర్త్వా పల్వలవ త్ప్రయాతి సదనం తేజోమయం బ్రహ్మణః ॥	(9)
	ఇతి శ్రీ ఆదిశంకర భగవత్పాదాచార్య విరచితం శ్రీ మణికర్ణికాష్టకం సంపూర్ణమ్
	సర్వతీర్థావగాహాచ్చ యత్పుణ్యం స్స్యాన్నృణామిహ తత్పుణ్యం కోటి గుణితం మణి కర్ణ్యైక మజ్జనాత్