కాశీ కుసుమ కదంబం - శ్రీ కాశినాథ శరణాగతి, శివ పంచాక్షర స్తోత్రమ్, లింగాష్టకమ్

	మల్లాది సుబ్రహ్మణ్య శర్మణా విరచితా
	శ్రీ కాశినాథ శరణాగతిః
శ్లో॥	భక్తౌఘసన్నుతపదం భవబీజనాశం భావాద్యగమ్య మఘహరక మాదిదేవమ్। విశ్వేశ్వరం విగతరాగ భయాది వర్గం శ్రీ కాశినాథ మనిశం శరణం ప్రపద్యే॥	(1)
శ్లో॥	నందీశహాహ మభవం నగజార్చితాంఘ్రిం మృత్యుంజయం శివ మనంత మచింత్య మాద్యమ్। విశ్వాత్మకం విబుధసేవిత పాదపీఠం శ్రీ కాశినాథమనిశం శరణం ప్రపద్యే॥	(2)
శ్లో॥	శ్రీమన్మహేశ్వర మమేయగుణ స్వరూపం నారాయణ ప్రియ మనాది మనంతరూపమ్ ఫాలేక్షణం పశుపతిం పరమం దయాళుం శ్రీ కాశినాథమనిశం శరణం ప్రపద్యే॥	(3)
శ్లో॥	వారాణసీపురపతిం మణిక్రణికేశం వాచా మగోచర మజం వసుధైకనాథమ్। వాగీశముఖ్యసురవందిత పాదపద్మం శ్రీ కాశినాథమనిశం శరణం ప్రపద్యే॥	(4)
శ్లో॥	సర్వేశ్వరం సగుణ నిర్గుణ మప్రమేయం సచ్చిత్స్వరూప మఖిలాగమవేద్య మేకమ్। ఆనందకంద మపరాజిత మష్టమూర్తిం శ్రీ కాశినాథమనిశం శరణం ప్రపద్యే॥	(5)
శ్లో॥	కందర్పదర్ప పరిహారక ముగ్రరూపం కామాదిదోష రహితం కమనీయకాయమ్। శ్రీ ముక్తిమండపపదే శివయా నిషణ్ణం శ్రీ కాశినాథమనిశం శరణం ప్రపద్యే॥	(6)
శ్లో॥	స్వర్గాపవర్గ ఫలదాయిన మర్చకానాం సాంబం సదాశివ మనీశ్వర మద్వితీయమ్। సామప్రియం సకలలోకవిభుం పరేశం శ్రీ కాశినాథమనిశం శరణం ప్రపద్యే॥	(7)
శ్లో॥	శుభ్రాంశుసూర్యశుచిలోచన మంధకారిం భక్తార్తి భంజనపటుం భజనీయమూర్తిమ్। శ్రీ కాశివాసిజనకామిత కల్పవృక్షం శ్రీ కాశినాథమనిశం శరణం ప్రపద్యే॥	(8)
శ్లో॥	శ్రీకాశినాథచరణౌ మనసా స్మరామి శ్రీకాశినాథచరణౌ వచసా గృణామి। శ్రీకాశినాథచరణౌ శిరసా నమామి శ్రీ కాశినాథమనిశం శరణం ప్రపద్యే॥	(9)
	18. శ్రీ శివ పంచాక్షర స్తోత్రమ్
శ్లో॥	నాగేంద్ర హారాయ త్రిలోచనాయ భస్మాంగరాయ మహేశ్వరాయ। నిత్యాయ శుద్ధాయ దిగంబరాయ తస్మై నకారాయ నమశ్శివాయ॥	(1)
శ్లో॥	మందాకినీ సలిల చందన చర్చితాయ నందీశ్వర ప్రమథనాథ మహేశ్వరాయ। మందార ముఖ్య బహుపుష్ప సుపూజితాయ తస్మై మకారాయ నమశ్శివాయ॥	(2)
శ్లో॥	శివాయ గౌరీవదనారవింద సూర్యాయ దక్షాద్వరనాశనాయ। శ్రీనీలకంఠాయ వృషధ్వజాయ తస్మై శికారాయ నమశ్శివాయ॥	(3)
శ్లో॥	వశిష్ఠ కుంభోద్భవ గౌతమాది మునీంద్ర దేవార్చిత శేఖరాయ। చంద్రార్క వైశ్వానరలోచనాయ తస్మై వకారాయ నమశ్శివాయ॥	(4)
శ్లో॥	యజ్ఞస్వరూపాయ జటాధరాయ పినాకహస్తాయ సనాతనాయ। సుదివ్య దేహాయ దిగంబరాయ తస్మై యకారాయ నమశ్శివాయ॥	(5)
శ్లో॥	పంచాక్షర మిదం పుణ్యం యఃపఠే చ్ఛివసన్నిధౌ। శివలోక మహాప్నోతి శివేన సహ మోదతే॥	(6)
	18. శ్రీ లింగాష్టకమ్
శ్లో॥	బ్రహ్మమురారి సురార్చిత లింగమ్ నిర్మల భాసిత శోభిత లింగమ్। జన్మజదుఃఖ వినాశన లింగమ్। తత్ప్రణమామి సదాశివ లింగమ్॥	(1)
శ్లో॥	దేవముని ప్రవరార్చిత లింగమ్ కామదహన కరుణాకర లింగమ్। రావణ దర్ప వినాశక లింగమ్ తత్ప్రణమామి సదాశివ లింగమ్॥	(2)
శ్లో॥	సర్వసుగంధ సులేపిత లింగమ్ బుద్ధి వివర్థిత కారణ లింగమ్। సిద్ధ సురాసుర వందిత లింగమ్। తత్ప్రణమామి సదాశివ లింగమ్॥	(3)
శ్లో॥	కనక మహామణి భూషిత లింగమ్ ఫణిపతి వేష్టిత శోభిత లింగమ్ దక్షసుయజ్ఞ వినాశన లింగమ్ తత్ప్రణమామి సదాశివ లింగమ్॥	(4)
శ్లో॥	కుంకుమ చందన లేపిన లింగమ్ పంకజ హార సుశోభిత లింగమ్ సంచిత పాప వినాశన లింగమ్ తత్ప్రణమామి సదాశివ లింగమ్॥	(5)
శ్లో॥	దేవగణార్చిత సేవిత లింగమ్ భావైర్భక్తిభిరేవచ లింగమ్ దినకర కోటి ప్రభాకర లింగమ్ తత్ప్రణమామి సదాశివ లింగమ్॥	(6)
శ్లో॥	అష్టదళోపరివేష్టిత లింగమ్ సర్వసముద్భవ కారణ లింగమ్ అష్ట దరిద్ర వినాశన లింగమ్ తత్ప్రణమామి సదాశివ లింగమ్॥	(7)
శ్లో॥	సురగురు సురవర పూజిత లింగమ్ సురవన పుష్ప సదార్చిత లింగమ్ పరమపరం పరమాత్మక లింగమ్ తత్ప్రణమామి సదాశివ లింగమ్॥	(7)
శ్లో॥	లింగాష్టక మిదం పుణ్యం యః పఠేచ్ఛివసన్నిధౌ। శివలోక మవాప్నోతి శివేన సహ మోదతే॥	(8)
	ఇతి లింగాష్టకం సంపూర్ణమ్